Huis met twee woonstelle
Bied trots hierdie dubbele mandaat met uitstekende ligging aan. Skaars vonds - moenie tyd mors nie, skakel die agent vir 'n private besigtiging. Hierdie eiendom is ideaal vir die groot gesin of die gesin wat 'n ekstra inkomste wil hê, en ook 'n geleentheid bied om ouma in haar eie woonstel te huisves. Hierdie huis bied 'n ruim sitkamer, eetkamer met 'n deur wat na die agterplaas uitgaan. Daar is 'n studeerkamer met genoeg boekrakke. Die ruim tv-kamer loop in na die oordekte sonkamer. Dit is 'n lieflike sitplek vir die winter met sy toe glasstapeldeure, en in die somer maak dit heeltemal oop sodat die wind kan deurwaai. Hier sal jy ure van pret geniet met uitsig oor die pragtige tuin. Die huis bied 'n goeie grootte kombuis met baie ingeboude kaste. Die woonareas en slaapkamers is noordfront. Daar is vier slaapkamers met twee-en-'n-half badkamers. Die huis bied een slaapkamer bo met sy eie balkon. Die klein woonstel is ruim met ingeboude kaste, 'n klein kitchenette en 'n stortbadkamer. Die tweede woonstel is 100 vk.m met 'n klein studeerkamer, twee slaapkamers, 'n ruim oopplan-woonarea met kombuis en 'n aparte opwasarea met 'n mooi, oordekte patio. Die huis het sonpanele, 'n Wendy-huis, parkering vir vyf karre en ruimte vir 'n werkswinkel, 'n huishulpkamer met badkamer, besproeiing in die tuin en 'n rugsteun-watertenk. Voor die huis is netjiese plaveisel en genoeg besoekersparkering. Voorafbetaalde water en elektrisiteit, en besproeiing in die tuin. Geisers is buite die huis, en die woonstel het sy eie geiser. Hierdie is die eiendom waarna jy gesoek het.
